Fara beint í efni
Annálsvert
Um AnnálsvertHafa samband
Höfundur og ábyrgðarmaður: Glúmur GylfasonUm vefinn · Ábendingar · Vefsmíði: Codelab
Allar vísur
  1. Annálsvert
  2. 19. öld
  3. 1809
1809
1809

Beittu álfar brögðum þar

Hljóðbrot0:00

Lag Þrútið var loft og þungur sjór

BBeittu álfar brögðum þarbóndi þoldi skellhreppstjórasonur heillaður varhvarf inn í Spákonufell.

Glúmur Gylfason · 1809

Heimildir og samhengi

Gísli Konráðsson, Saga Skagstrendinga og Skagamanna, Ísafoldarprentsmiðja 1941, bls. 76:
„Davíð Guðmundsson bjó á Spákonufelli eftir föður sinn og átti Katrínu Einarsdóttur, Finnssonar frá Ey. Voru þeirra synir Einar, Skarphéðinn, Guðmundur og Davíð. Svo bar til það ár er Einar var lítt á legg kominn, er hann kom neðan úr Höfðakaupstað eina jólanótt, að hann hvarf og hefir aldrei síðan fundizt eða til hans spurzt, hvað vandlega sem leitað var. Trúði Katrín móðir hans eigi öðru en heillaður væri hann í Spákonufellsborg, því að trúað var, að þar væri huldufólksbær, og margar sagnir um að svo mundi vera".

Næst fjallar Gísli um atburði frá 1810, en Íslendingabók telur Einar fæddan 1794 og segir hans getið í manntalinu 1801, en látinn 1815. Er það vegna þess að hann finnst ekki í manntalinu 1816?
Dæmi hver fyrir sig þótt hér sé valið 1809.

MyndbandVimeo (opnast í nýjum flipa)

MyndbandVimeo (opnast í nýjum flipa)

Myndir

Einnig frá árinu 1809

  • Í Flatey Schevings framabraut
← 1809Í Flatey Schevings framabraut1810 →Eiríkur fékk ekki brauð