Landsins nýja lækni nú
Lag Fyrr var oft í Koti kátt
Landsins nýja lækni núlýst vel á þá vinnu.Biskupsdóttir og biskupsfrúbáðar í einni kvinnu.Hvort Jón Teitsson træði Kjöltelja engar ræðuren ráku fé þann reimda spölReynistaðarbræður.
Heimildir og samhengi
Margrét Finnsdóttir (1734-1796), biskups, Jónssonar, var 2. kona sr. Jóns Teitssonar (1716-1781). Hann, síðast prestur í Gaulverjabæ, en verður nú biskup á Hólum eftir að Oddapresti, Árna Þórarinssyni (1741-1787), hafði um sinn tekist að koma sér hjá þeirri vegtyllu, en að Jóni Teitssyni látnum, 1781, var ný undanfærslubeiðni Árna ekki tekin til greina, vígður Hólabiskup 1784. (1748, 1801).
Heimild: Vígfús Guðmundsson frá Keldum: Oddi, bls. 90-95.
Upplýsingar skortir um hvern veg þau Margrét og Jón Hólabiskup ferðuðust að sunnan til Skagafjarðar, en hafa verið fyrr á ferðinni en Reynistaðarmenn, sem urðu úti á Kili.
Nýr landlæknir, Jón Sveinsson (1752-1803), lögmanns Sölvasonar.
Fyrsti landlæknirinn, Bjarni Pálsson lést 1779 eftir 19 ár í embætti.
MyndbandYouTube (opnast í nýjum flipa)
Reynistaðarbræður, synir Halldórs Bjarnasonar og Ragnheiðar Einarsdóttur (1759): Bjarni, tvítugur, og Einar 11 ára(?) og tveir vinnumenn, héldu til fjárkaupa á Suðausturlandi, þangað sem fjársýkin hafði ekki komið. Úr Hreppum lögðu þeir af stað norður 2. laugardag í vetri, (28. október), en urðu úti á Kili. Sjá 1844.
Heimildir: Íslenskar æviskrár. Um Reynistaðarbræður: Gísli Konráðsson, Skagfirðingabók 1969, Saga frá Skagfirðingum I, 110 og kvæðið Áfangar eftir Jón Helgason.
FréttRÚV (opnast í nýjum flipa)